• Kamis, 9 Desember 2021

Sorabi Héjo Oléh-oléh Karawang ti Rengasdéngklok

- Jumat, 31 Januari 2020 | 06:15 WIB
Sorabi hejo jeung kinca. (Foto: Jendela Karawang)
Sorabi hejo jeung kinca. (Foto: Jendela Karawang)

Penulis: Budi Rahayu Tamsyah


Sorabi atawa surabi, sarua baé. Kadaharan anu aya di mana-mana, lain di Tatar Sunda baé. Bahanna tina tipung (béas). Anu matak tong anéh upama warnana bodas. Kitu umumna sorabi mah.

Lamun téa mah aya leuwihna, di luhurna maké oncom. Mun teu kitu maké béjod (hampas kécap) saperti anu kapanggih di tukang surabi di sisi Alun-alun Talaga, Majalengka.

Aya anu béda. Ieu mah sorabina pulas héjo. Anu boga alpukahna Bapa Maat Kasim (61), urang Rengasdéngklok, Karawang. Nelah baé sorabi héjo sarta jadi salasahiji oléh-oléh has Karawang.

Anu matak jadi héjo téh lain ku ontan, lain ku wantéx deuih. Ieu mah bener-bener héjo alami. Dihéjoanana ku daun pandan. Hasilna, jadi sorabi héjo anu pelem jeung seungit deuih.

Warung sorabi héjo Pa Kasim perenahna di Kampung Kalijaya, Désa Rengasdéngklok Utara, Kacamatan Rengasdéngklok, Karawang. Teu jauh ti “Rumah Bersejarah” Rengasdéngklok.

Ku lantaran warungna pagigir-gigir jeung kuburan, nelah baé “Sorabi Kunti”. Baheula éta mah. Ari ayeuna mah warungna geus dipindahkeun ka peuntaseun kuburan, ka tempat anu leuwih lega.

Pa Kasim mimiti dagang sorabi héjo téh taun 1995, sabada ngalakonan rupa-rupa pacabakan. Tétéla, cenah, hasilna leuwih ti lumayan. Kiwari langgananana kawilang loba, ti rupa-rupa kalangan. Malah aya nu ti mancanagara ogé.

Ceuk Pa Kasim, inyana meunang resép sorabi héjo téh ti keur umur salapan taun kénéh. Resépna meunang ti urang Tionghoa, anu disebutna Encék.

Baheula di sabudeureun imahna loba Encék anu sok nyieunan sorabi héjo. Tina mindeng ningalikeun nyieunna, nepi ka bisa nyieun sorangan.

Nya terus wé nyobaan nyieun sorabi héjo sarta didagangkeun di hareupeun imahna. Tétéla loba nu mikaresep.

Sorabi héjona terus dimekarkeun, kiwari aya dua rasa: rasa kadu jeung rasa gula beureum anu disebut kinca. Méméh dihuapkeun, sorabi dicoélkeun kana kinca, rék rasa kadu, rék rasa gula; éta mah kumaha karesep baé. Sarua pédona.

Sanajan di warungna aya tulisan “Tidak Buka Cabang di Tempat Lain”, tapi kiwari di Karawang geus loba anu dagang sorabi héjo. Malah di Bekasi jeung Jakarta ogé geus aya anu dagang surabi héjo téh. (Red)

Rubrik Palataran diasuh oleh budayawan Sunda, Kang Budi Rahayu Tamsyah.



Editor: Administrator

Tags

Terkini

Asal-usul Kecap Ngaran Pakakas anu Aya di Imah

Selasa, 31 Maret 2020 | 06:15 WIB

Carita Rayat Bogor: Sasakala Talaga Warna

Rabu, 25 Maret 2020 | 12:23 WIB

Miéling Dalang Rancagé Asép Sunandar Sunarya

Minggu, 22 Maret 2020 | 11:15 WIB

Asal-usul Cadas Pangéran di Sumedang

Minggu, 22 Maret 2020 | 06:15 WIB

Carita Pantun: Gajah Lumantung

Sabtu, 21 Maret 2020 | 11:15 WIB

Gaya Basa Rarahulan dina Carita Pantun

Sabtu, 21 Maret 2020 | 06:15 WIB

Carita Pantun: Deugdeug Pati Jaya Perang

Jumat, 20 Maret 2020 | 10:55 WIB

Basa Kirata anu Béda jeung Kecap Memet

Jumat, 20 Maret 2020 | 06:15 WIB

Carita Pantun: Badak Pamalang

Kamis, 19 Maret 2020 | 11:15 WIB

Ngaran Rupa-rupa Lalab Karesep Urang Sunda

Kamis, 19 Maret 2020 | 06:15 WIB

Carita Pantun: Budak Manyor di Kuta Tandingan

Rabu, 18 Maret 2020 | 11:15 WIB

Asal-usul Leuweung Siperlaw jeung Batu Tanceb

Rabu, 18 Maret 2020 | 06:15 WIB

Carita Pantun Nyai Sumur Bandung

Selasa, 17 Maret 2020 | 11:00 WIB

Ngaran Rupa-rupa Kasakit dina Basa Sunda

Selasa, 17 Maret 2020 | 06:15 WIB

Carita Pantun: Mundinglaya di Kusumah

Senin, 16 Maret 2020 | 11:00 WIB

Ngaran Rupa-rupa Lauk Cai dina Basa Sunda

Senin, 16 Maret 2020 | 06:15 WIB

Carita Pantun: Ciung Wanara

Minggu, 15 Maret 2020 | 10:05 WIB
X